News - Որոշ երկրներ կարող են ագրոքիմիկատներ արտահանել Հայաստան առանց լաբորատոր հետազոտությունների
Business Strategy
Որոշ երկրներ կարող են ագրոքիմիկատներ արտահանել Հայաստան առանց լաբորատոր հետազոտությունների
Հայաստանում անհրաժեշտություն կա թույլ տալ ներմուծումը որոշ երկրներից առանց լաբորատոր հետազոտությունների անցկացման։ Այս մասին երեքշաբթի Ազգային ժողովի նստաշրջանում բուսասանիտարական և հարակից օրենքներում փոփոխություններ և լրացումներ կատարելու մասին օրինագծերի փաթեթի քննարկումների ժամանակ ասաց էկոնոմիկայի փոխնախարար Տաթևիկ Սարգսյանը։ Օրենսդրական նոր նախաձեռնության համաձայն՝ որոշ երկրներում արտադրվող թունաքիմիկատներն ու ագրոքիմիկատները կարող են Հայաստան ներկրվել առանց լրացուցիչ լաբորատոր հետազոտությունների։ Այս փոփոխությունները, ըստ փոխնախարարի, պայմանավորված են նրանով, որ զարգացած երկրներում արդեն իսկ բավականին բարձր պահանջներ կան թունաքիմիկատների և ագրոքիմիկատների որակի վերաբերյալ, ուստի դրանք Հայաստան ներմուծելիս լրացուցիչ ստուգումների կարիք պարզապես չկա։ Կառավարության որոշմամբ կսահմանվի այն երկրների ցանկը, որտեղից թույլատրվելու է նման ներմուծումը՝ շրջանցելով համապատասխան ստուգումները։
About usyoo
Categories
Tags
