News - Ճապոնիայում 100-ից բարձր բնակիչների թիվը հասնում է ռեկորդային 95000-ի

Ճապոնիայում 100 տարեկանից բարձր բնակիչների թիվը գերազանցել է 95100-ը։ Սա բացարձակ ռեկորդ է 1963 թվականից ի վեր նման վիճակագրություն վարելու ողջ ժամանակահատվածի համար, հայտնում է երկրի առողջապահության, աշխատանքի և բարեկեցության նախարարությունը։ Ճապոնիայում 100 տարեկանից բարձր մարդկանց թիվն ավելացել է 54 տարի անընդմեջ։ 2023 թվականին այն աճել էր գրեթե 3000-ով։ 100 տարեկանից բարձր ճապոնացիների շրջանում ավելի քան 88 տոկոսը կանայք են։ Երկրի ամենատարեց մարդը՝ 116-ամյա Տոմիկո Իտոկան, ով ծնվել է 1908 թվականին, նույնպես ապրում է Ճապոնիայում։ 65 տարեկանից բարձր Ճապոնիայի բնակիչների թիվը վերջին մեկ տարվա ընթացքում ավելացել է 20 հազարով՝ հասնելով պատմական ռեկորդի՝ 36,25 միլիոնի։ Ներկայումս նրանք կազմում են Ճապոնիայի բնակչության 29,3 տոկոսը։ Իսկ 80-ից բարձր ճապոնացիների թիվը հասել է գրեթե 13 միլիոնի; սա Ճապոնիայի ընդհանուր բնակչության 10,4 տոկոսն է, որը կազմում է մոտ 125,1 միլիոն: