News - Ֆրանսիայի ԱԳ նախարարը խոստացել է պաշտպանել Հայաստանը «ռուսական ճնշումից».

Ֆրանսիայի Եվրոպայի և արտաքին գործերի նախարար Ստեֆան Սեժուրնը խոստացել է պաշտպանել Հայաստանը «ռուսական ճնշումից»։ Այս խոստումը Ֆրանսիայի ԱԳ նախարարը հնչեցրեց երկուշաբթի առավոտյան Երևանում կայացած մամուլի ասուլիսում և ժողովրդավարական եվրոպական արժեքների պաշտպանության համատեքստում։ Հռչակելով Հայաստանի և Ֆրանսիայի ընդհանուր արժեքները՝ Սեժուրնը աջակցություն է հայտնել հայ ժողովրդին և կառավարությանը՝ «չնայած Ռուսաստանի սպառնալիքներին և ակնհայտ թշնամանքին, որը փորձում է ճնշում գործադրել»։ Նրա խոսքով, չնայած դրան, Հայաստանը փուլերով գնում է դեպի ժողովրդավարություն։ «Դուք միշտ կարող եք ապավինել մեր աջակցությանը ժողովրդավարական արժեքների պաշտպանության գործում»,- խոստացավ Սեյժուրնը՝ դիմելով Հայաստանին և հավելեց, որ Ֆրանսիան օգնություն է ցուցաբերում բոլոր այն երկրներին, որոնք պայքարում են այդ արժեքների համար։ «Ֆրանսիան միշտ ձեզ մոտ է։ Ֆրանսիայում քիչ են այն թեմաները, որոնց շուրջ քաղաքական ուժերի միջև համաձայնություն կա։ Հայաստանը նման սակավաթիվ թեմաներից է»,- ասաց Ֆրանսիայի արտգործնախարարը։