News - Հայաստանի Անվտանգության խորհրդի ղեկավարը և Ճապոնիայի արտաքին գործերի պետնախարարը քննարկել են տարածաշրջանային անվտանգության իրավիճակը

Հայաստանի Անվտանգության խորհրդի քարտուղար Արմեն Գրիգորյանը Ճապոնիա կատարած աշխատանքային այցի ընթացքում հանդիպել է Ճապոնիայի արտաքին գործերի պետնախարար Յոսիֆումի Ցուգեին։ Հայաստանի Անվտանգության խորհրդի գրասենյակից NEWS.am -ին հայտնում են, որ հանդիպմանը մտքեր են փոխանակվել Հայաստանի տարածաշրջանում անվտանգության իրավիճակի և վերջին զարգացումների շուրջ։ Անդրադառնալով տարածաշրջանի անվտանգության և կայունության ապահովմանը, Գրիգորյանն ընդգծել է Հայաստանի «Խաղաղության խաչմերուկ» նախագծի դերն այս առումով։ Զրուցակիցները քննարկել են նաև հայ-ճապոնական երկկողմ հարաբերությունների զարգացման հնարավորությունները տարբեր ոլորտներում։