News - Վարչապետը բարձր է գնահատել Հայաստանի կառավարության և ՊԳԿ-ի արդյունավետ համագործակցությունը
Business Strategy
Վարչապետը բարձր է գնահատել Հայաստանի կառավարության և ՊԳԿ-ի արդյունավետ համագործակցությունը
Վարչապետ Նիկոլ Փաշինյանն ընդունել է ՄԱԿ-ի Պարենի և գյուղատնտեսության կազմակերպության (FAO) գլխավոր տնօրեն Քու Դոնգյուին։ Այս մասին հայտնում են վարչապետի աշխատակազմից։ Վարչապետը բարձր է գնահատել Հայաստանի կառավարության և ՊԳԿ-ի միջև ձևավորված արդյունավետ համագործակցությունը, մասնավորապես պարենային անվտանգության ապահովման գործում։ Փաշինյանն ընդգծել է գյուղատնտեսության և բնապահպանության ոլորտներում համատեղ ծրագրերի շարունակական իրականացումը և համոզմունք հայտնել, որ ՖԱՕ-ի գլխավոր տնօրենի ընթացիկ այցը Հայաստան նոր լիցք կհաղորդի համագործակցության զարգացմանը։ Իր հերթին Քու Դոնգյուն նշել է, որ արդյունավետ քննարկումներ են ունեցել ՀՀ կառավարության իրենց գործընկերների հետ, քննարկել ծրագրերի ընթացքը և նոր նախաձեռնությունների իրականացման հնարավորությունները։ ՊԳԿ-ի գլխավոր տնօրենն ընդգծել է նաև, որ նոր ծրագրերի իրականացման նպատակն է նպաստել երկրների պարենային անվտանգության ապահովմանը և այս ոլորտում առկա խնդիրների լուծմանը։
About usyoo
Categories
Tags
