News - Շվեյցարիան զորավարժություններ կանցկացնի Ֆրանսիայի հետ
Business Strategy
Շվեյցարիան զորավարժություններ կանցկացնի Ֆրանսիայի հետ
Շվեյցարիան, որը չեզոք երկիր է, զորավարժություններ կանցկացնի ՆԱՏՕ-ի անդամ Ֆրանսիայի հետ։ Այս մասին հայտարարել է Շվեյցարիայի կառավարությունը՝ պարզաբանելով, որ խոսքը շվեյցարական չորս F/A-18 կործանիչների և ֆրանսիական ռազմածովային ուժերի չորս Rafale կործանիչների համատեղ թռիչքների մասին է երկու երկրների օդային տարածքում։ Շվեյցարիայի ռազմաօդային ուժերը և Ֆրանսիայի ռազմածովային ուժերը համատեղ այս զորավարժությունները կանցկացնեն երեքշաբթի և չորեքշաբթի օրերին, ասվում է համապատասխան հայտարարության մեջ։ Նախատեսվում է երկու երկրների օդային տարածքում մի քանի ուսումնական մոդուլներ անցկացնել։ Չորս ֆրանսիական կործանիչներ, որոնք սովորաբար տեղակայված են Ֆրանսիայի հյուսիս-արևմուտքում գտնվող ռազմածովային ավիաբազայում, կմասնակցեն այս զորավարժություններին և մեկ գիշեր կանցկացնեն Շվեյցարիայի Պայերն ավիաբազայում, որտեղ համատեղ վարժանքներ կանցնեն։ Խոսքը, մասնավորապես, ՀՕՊ զորավարժությունների պլանավորման, իրականացման ու վերլուծության, փորձարկման, փորձի փոխանակման մասին է։
About usyoo
Categories
Tags
