News - Ալիևը հավակնություններ է հայտնում Հայաստանի նկատմամբ, կրկնում է Ադրբեջանի պահանջները

Հայաստանը միտումնավոր ձգձգում է Ադրբեջանի հետ խաղաղության պայմանագրի ստորագրումը և անտարբերություն է ցուցաբերում տարածաշրջանում խաղաղության հասնելու հարցում։ Այս մասին հայտարարել է Ադրբեջանի նախագահ Իլհամ Ալիևը՝ ընդունելով թուրք պատգամավորներից կազմված պատվիրակությանը Ադրբեջան-Թուրքիա խորհրդարանական բարեկամության խմբի ղեկավար Սամիլ Այրիմի գլխավորությամբ, հայտնում են տեղական լրատվամիջոցները։ Նաև անսահմանափակ քանակությամբ զենք գնող և անթիվ զորավարժություններ անցկացնող այս ագրեսոր երկրի ղեկավարը պնդեց, որ Հայաստանը «նոր զենքեր է ձեռք բերում Ֆրանսիայից, արևմտյան այլ երկրներից և այլ կողմերից և իր տարածքում երրորդ կողմերի հետ զորավարժություններ է անցկացնում։ »: Բացի այդ, Ալիևը կրկին պահանջել է վերացնել ԵԱՀԿ Մինսկի խումբը և փոխել Հայաստանի սահմանադրությունը։