ԱՄՆ ազգային անվտանգության հարցերով խորհրդական Ջեյք Սալիվանի՝ Չինաստան կատարած այցի ընթացքում կողմերը քննարկել են երկու երկրների ղեկավարների առաջիկա շփումները, ճեպազրույցում ասել է Չինաստանի ԱԳՆ խոսնակ Լին Ջիանը։ «Ռազմավարական երկխոսության ընթացքում կողմերը քննարկել են մոտ ապագայում երկու պետությունների ղեկավարների փոխգործակցության նոր փուլը»,- հայտնել են Չինաստանի ԱԳՆ-ից։ Լինը, սակայն, չի մեկնաբանել Չինաստանի նախագահ Սի Ցզինպինի և ԱՄՆ նախագահ Ջո Բայդենի հանդիպման հնարավորությունը մինչև ԱՄՆ նախագահական ընտրությունները, որոնք նախատեսված են նոյեմբերին։