Պաշտպանության նախարար Սուրեն Պապիկյանը զորամաս կատարած այցի ընթացքում շրջել է առաջնագծում և հետևել այնտեղ ընթացող լայնածավալ շինարարական աշխատանքներին, հայտնում է ՊՆ-ն։ Զինված ուժերի գլխավոր շտաբի պետի տեղակալ Կարեն Գրիգորյանը և հիշյալ զորամասի հրամանատար Գարեգին Պողոսյանը նախարարին հանգամանալից ներկայացրել են մինչ այժմ կատարված աշխատանքները և առաջիկա անելիքները։ Այնուհետև պաշտպանության նախարարն այցելել է մարտական հերթապահություն իրականացնող անձնակազմից մեկի տեղակայման վայր, զրուցել այնտեղ գտնվող զինծառայողների հետ և ընդգծել ամենօրյա մարտական պատրաստության և կարողությունների շարունակական կատարելագործման կարևորությունը։