Չորեքշաբթի Չինաստանի հարավ-արևմուտքում գտնվող Սիչուան նահանգում ածխահանքում տեղի ունեցած վթարի հետևանքով յոթ մարդ է զոհվել, հայտնում է «Սինհուա» գործակալությունը։ Տեղական ժամանակով մոտավորապես առավոտյան ժամը 10-ին, Սիչուանի Լեշան քաղաքի Վուտոնցյաո թաղամասի ածխահանքում օդային լիսեռի կնքման գործողության ընթացքում ընդհանուր առմամբ ութ աշխատող արգելափակված է մնացել: Ժամը 14-ի դրությամբ որոնողա-փրկարարական աշխատանքները հաստատել են յոթ մարդու մահը: Որոնողափրկարարական աշխատանքները շարունակվում են, մեկ մարդ անհայտ կորած է համարվում։ Վթարի պատճառները հետաքննվում են։