Վրաստանի Քութայիսի բանտում բանտարկյալների զանգվածային թունավորում է գրանցվել։ Այս տեղեկությունը հաստատել են Վրաստանի արդարադատության նախարարության քրեակատարողական ծառայությունից, հայտնում է Грузия Online-ը։ «Թիվ 2 ՔԿՀ-ի դատապարտյալների շրջանում սույն թվականի օգոստոսի 13-ին կատարված բողոքները համապատասխանում են հնարավոր էնտերովիրուսային վարակի ախտանիշներին»,- ասված է ՔԿ հաղորդագրության մեջ։ Բարդություններից խուսափելու համար որոշ բանտարկյալներ տեղափոխվել են քաղաքացիական կլինիկաներ։ Բժիշկները նրանց վիճակը կայուն են և միջին ծանրության։ Այս դատապարտյալները համապատասխան բուժօգնություն ստանալուց և հետազոտվելուց հետո կվերադարձվեն բանտ։ Փաստաբան Սոֆա Բոնդարենկոյի խոսքով՝ մոտ 200 մարդ թունավորվել է։ Բժիշկները փաստաբաններին ասել են, որ բոլոր դեպքերում այս թունավորման պատճառը աղիքային վարակն է եղել։ «Որքանով ես գիտեմ, դա առաջացել է սննդից»,- ասել է փաստաբան Դալի Սուլակվելիձեն Mtavari-ին տված հարցազրույցում։