Իրանը հայտարարել է, որ չի մասնակցի Գազայի պատերազմում հրադադարի ապահովման համար առաջիկա անուղղակի բանակցություններին, հայտնում է IRNA գործակալությունը։ «Մենք չենք ներգրավվել ՀԱՄԱՍ-ի և վարչակարգի միջև հրադադարի անուղղակի բանակցություններում, որոնց օժանդակում են Եգիպտոսը, Կատարը և ԱՄՆ-ը, և մտադիր չենք ներգրավվել նման բանակցություններում», - ասել է ՄԱԿ-ում Իրանի մշտական ներկայացուցչությունը: Վերոնշյալ մեկնաբանությունն արվել է ի պատասխան լրագրողների, ովքեր ցանկանում էին իմանալ, թե արդյոք Իրանը կմասնակցի այդ բանակցություններին։ Համասի և Իսրայելի միջև անուղղակի բանակցություններ են նախատեսված հինգշաբթի։