Հունաստանում շոգ եղանակի պատճառով անտառային հրդեհներ են մոլեգնում, հայտնում է Euronews-ը։ Արդյունքում Հունաստանի իշխանությունները ստիպված են եղել տարհանել Աթենքից 30 կիլոմետր հյուսիս-արեւելք գտնվող մի քանի բնակավայրերի բնակիչների։ Հրդեհների մարման աշխատանքներով զբաղվում է ընդհանուր առմամբ 250 հրշեջ, որոնց միացել են տասնյակ կամավորներ։ Հրդեհների մարմանը մասնակցում են նաև 12 ինքնաթիռ և յոթ ուղղաթիռ։ Տեղ-տեղ հրդեհի բարձրությունը հասնում է 25 մետրի։ Անտառային հրդեհների ծուխը ծածկել է արևը Հունաստանի մայրաքաղաքի երկնքում։ Այս ամառ Հունաստանում ավելի քան 2000 անտառային հրդեհ է տեղի ունեցել, որոնք առաջացել են, ի թիվս այլ բաների, հրկիզման: Հունաստանի կլիմայական ճգնաժամի և քաղաքացիական պաշտպանության նախարարությունը զգուշացնում է, որ հրդեհի վտանգի բարձր մակարդակը կպահպանվի մինչև հինգշաբթի։