Չինաստանի արտաքին գործերի նախարար Վան Ին կիրակի օրը հեռախոսազրույց է ունեցել Իրանի արտգործնախարարի պաշտոնակատար Ալի Բաղերի Կանիի հետ՝ կենտրոնանալով երկկողմ հարաբերությունների և Մերձավոր Արևելքի իրավիճակի վրա։ Նշելով, որ Իրանը տարածաշրջանում կարևոր ազդեցություն ունեցող երկիր է և Չինաստանի համապարփակ ռազմավարական գործընկերը, Վանգն ասել է, որ Չինաստանը միշտ առաջ է մղել Իրանի հետ իր հարաբերությունները ռազմավարական և երկարաժամկետ տեսանկյունից, հայտնում է Xinhua-ն։ Իրանը պատրաստ է ընդլայնել Չինաստանի հետ համագործակցությունը միջազգային և տարածաշրջանային հարցերում և ավելի ռազմավարական ենթատեքստ հաղորդել երկկողմ հարաբերություններին, իր հերթին, մասնավորապես, ասել է Բաղերի Կանին։