ԱՄՆ նախկին նախագահ և Հանրապետական կուսակցության նախագահի թեկնածու Դոնալդ Թրամփը և նրա հակառակորդը՝ Դեմոկրատական կուսակցությունից փոխնախագահ Կամալա Հարիսը, կհանդիպեն սեպտեմբերի 10-ին հեռուստաբանավեճի ժամանակ, հաղորդում է ABC News-ը։ ABC News-ը կհեռարձակի նախագահական բանավեճը սեպտեմբերի 10-ին: Փոխնախագահ Հարիսը և նախկին նախագահ Թրամփը հաստատել են, որ կմասնակցեն ABC-ի հեռուստաբանավեճին, նշել է ABC News-ը X-ում: Թրամփը ավելի վաղ հայտարարել էր, որ հաջորդ ընտրական բանավեճը պետք է անցկացվի Fox News հեռուստաալիքով։ Նա դա վերագրեց ABC-ի կողմնակալությանը: Ընդհանուր առմամբ, Թրամփը ցանկանում է սեպտեմբերին հեռուստաբանավեճերի երեք փուլ անցկացնել Հարիսի հետ։