Հնդկական «Ակաշ-1Ս» առաջին «երկիր-օդ» հրթիռային համակարգերը Հայաստան կժամանեն մինչև այս տարվա վերջ, հայտնում է Indian Defense Research Wing-ը։ Հրապարակման համաձայն՝ Երևանը պատվիրել է 720 մլն դոլար արժողությամբ 15 միավոր ՀՕՊ համակարգեր։ Հայաստանը կլինի այս հնդկական համակարգերի առաջին օտարերկրյա գնորդը։ Akash-1S համակարգերն օգտագործում են միաժամանակյա ակտիվ թիրախների ձեռքբերման և ուղղորդման համադրություն՝ ապահովելով ամուր պաշտպանություն օդային սպառնալիքներից, ինչպիսիք են կործանիչները, կառավարվող հրթիռները և անօդաչու սարքերը: «Ակաշ-1Ս-ը մշակվել է 1983 թվականին և շահագործման է հանձնվել 30 տարի անց, այն կարող է օդային թիրախներ խփել 4-ից 25 կիլոմետր հեռավորության վրա։ Ակնկալվում է, որ այս առաջադեմ հակաօդային պաշտպանության համակարգի ձեռքբերումը զգալիորեն կբարձրացնի Հայաստանի ռազմական ներուժը: Ակաշ 1S-ի հաջող արտադրությունն ու մոտալուտ առաքումը Հայաստան ընդգծում են Հնդկաստանի աճող դերը պաշտպանական տեխնոլոգիաների ոլորտում և նրա կարգավիճակը՝ որպես զենքի համաշխարհային խոշոր արտահանող: