ԱՄՆ վարչակազմը կարծում է, որ Մերձավոր Արևելքի բոլոր կողմերը պետք է քայլեր ձեռնարկեն լարվածությունը նվազեցնելու համար, հայտարարել է ԱՄՆ պետքարտուղար Էնթոնի Բլինկենը Ավստրալիայի արտգործնախարար Փենի Վոնգի հետ երկուշաբթի օրը Վաշինգտոնում կայացած հանդիպման ժամանակ։ ԱՄՆ-ն ինտենսիվ դիվանագիտական համագործակցությամբ է զբաղվում գրեթե շուրջօրյա՝ հստակ ազդանշան ուղարկելու համար՝ բոլոր կողմերը պետք է խուսափեն լարվածության աճից։ Բոլոր կողմերը պետք է քայլեր ձեռնարկեն լարվածությունը թուլացնելու համար, ասել է նա։ Լարվածության աճը ոչ մեկին ձեռնտու չէ. դա միայն կհանգեցնի նոր հակամարտությունների, բռնությունների և անվտանգության բացակայության: ԱՄՆ-ի համար չափազանց կարևոր է խախտել այդ ցիկլը՝ Գազայում հրադադարի հասնելով։ Դա, իր հերթին, հնարավորություն կտա ավելի մեծ կայունություն հաստատել ոչ միայն Գազայում, այլ նաև այլ տարածաշրջաններում, որտեղ հակամարտությունը կարող է տարածվել, հավելել է Բլինկենը։ ԱՄՆ-ը և շատ այլ երկրներ տարածաշրջանում և նրա սահմաններից դուրս դրան հատուկ ուշադրություն են դարձնում։ Խոսելով Գազայի հատվածում հնարավոր հրադադարի մասին՝ Բլինկենը հավելել է, որ բոլոր կողմերը պետք է ուղիներ գտնեն համաձայնության հասնելու համար։ Նա ընդգծել է, որ բոլոր կողմերի համար կարեւոր է ճիշտ ընտրություն կատարելը։