ԱՄՆ փոխնախագահ Կամալա Հարիսը երկուշաբթի օրը պաշտոնապես ապահովեց Դեմոկրատական կուսակցության նախագահի թեկնածությունը, հայտնում է AP-ն։ ԱՄՆ նախագահի թեկնածու առաջադրելու քվեարկության ժամանակ Հարիսը ստացել է Դեմոկրատական կուսակցության համագումարի պատվիրակների ձայների 99 տոկոսը, հայտարարել է կուսակցության ղեկավարությունը հնգօրյա առցանց քվեարկության ավարտից հետո։ Անցյալ շաբաթ կուսակցությունը հայտարարեց, որ Հարիսն ունի բավականաչափ պատվիրակների աջակցություն՝ Դեմոկրատական կուսակցությունից նախագահի թեկնածու դառնալու համար: Փոխնախագահը առցանց քվեարկության միակ թեկնածուն էր, և նրա թեկնածությունն այժմ պետք է պաշտոնապես հաստատվի Դեմոկրատական կուսակցության համագումարի կողմից, որը կսկսվի օգոստոսի 19-ին։