«Զվարթնոց» միջազգային օդանավակայանում ծառայությունն ավարտելուց հետո ռուս սահմանապահները այն շարունակում են Թուրքիայի և Իրանի հետ Հայաստանի սահմաններում, «Ազատություն» ռադիոկայանին հայտնեցին Հայաստանի ազգային անվտանգության ծառայությունից (ԱԱԾ)։ Հայաստանի և Ռուսաստանի միջև 1992թ. ստորագրված պայմանագրի համաձայն՝ ռուս սահմանապահներն իրականացնում են պետական սահմանի պահպանություն Հայաստան-Թուրքիա և Հայաստան-Իրան պետական սահմաններում, հայտնում է ԱԱԾ-ն։