Իսրայելի կառավարության և արմատական պաղեստինյան ՀԱՄԱՍ շարժման միջև պատանդների վերաբերյալ բանակցությունները, հավանաբար, կսառեցվեն շաբաթներով կամ նույնիսկ ամիսներով, հայտնում է իսրայելական 13 հեռուստաալիքը։ Իսրայելի կաբինետի անդամներին տեղեկացրել են այն կանխատեսումների մասին, որ շիական Հեզբոլլահ շարժման ռազմական առաջնորդ Սայեդ Ֆուադ Ալի Շոկրի սպանությունը Բեյրութում և ՀԱՄԱՍ-ի քաղաքական բյուրոյի ղեկավար Իսմայիլ Հանիեի սպանությունը Թեհրանում կհանգեցնի այդ բանակցությունների դադարեցմանը: Չի բացառվում նաև, որ Իրանն իր տարածքից հրթիռներ արձակի Իսրայելի ուղղությամբ։