News - ՀԱՄԱՍ-ը հայտարարել է, որ հակահարված կտա Իսրայելին Հանիեի սպանության համար

Համասը պատասխան կտա Իսրայելին պաղեստինյան այս շարժման քաղբյուրոյի ղեկավար Իսմայիլ Հանիեի սպանության համար։ Այս մասին ՌԻԱ Նովոստիին ասել է Ալժիրում ՀԱՄԱՍ-ի ներկայացուցիչ Յուսեֆ Համդանը։ Հանիյեի մահը չի ազդի ՀԱՄԱՍ-ի և նրա կազմակերպությունների ղեկավարության որոշումների վրա, ընդգծել է Համդանը՝ հավելելով, որ Իսրայելը կվճարի այս հանցագործության և Պաղեստինի ժողովրդի դեմ կատարած բոլոր հանցագործությունների գինը։ Իսմայիլ Հանիեն սպանվել է Իրանի մայրաքաղաք Թեհրանում գտնվող իր նստավայրի վրա հարձակման արդյունքում։ ՀԱՄԱՍ-ի հայտարարության համաձայն՝ նրա քաղբյուրոյի ղեկավարը սպանվել է իսրայելական հարձակման հետևանքով, երբ մասնակցել է Իրանի նոր նախագահի երդմնակալության արարողությանը։ Իսրայելի բանակի պաշտոնյաները հրաժարվել են մեկնաբանել CNN-ին Հանիյեի սպանությունից հետո՝ ասելով, որ իրենք չեն արձագանքում արտասահմանյան լրատվամիջոցների հաղորդագրություններին։ Սպիտակ տունը CNN-ին հայտնել է, որ տեղյակ է եղել միջադեպի մասին, սակայն հրաժարվել է հետագա քննարկումից: