News - Մեծ Բրիտանիայում խորհրդարանական ընտրություններ են

Հինգշաբթի օրը՝ հուլիսի 4-ին, Մեծ Բրիտանիայում տեղի են ունենում խորհրդարանի ստորին պալատի՝ Համայնքների պալատի ընտրությունները: Ըստ բոլոր հարցումների՝ վարչապետ Ռիշի Սունակը և նրա Պահպանողական կուսակցությունը ջախջախիչ պարտություն են կրում: Արդյունքում, Մեծ Բրիտանիայում պահպանողականների 14-ամյա իշխանությունը կավարտվի: Հարցումները կանխատեսում են սենսացիոն ընտրական հաջողություն Քիր Սթարմերի գլխավորած ընդդիմադիր Լեյբորիստական ​​կուսակցության համար: YouGov սոցիոլոգիական ինստիտուտի անցկացրած հարցման համաձայն՝ լեյբորիստները կարող են հասնել 1832 թվականից ի վեր լավագույն արդյունքների և Համայնքների պալատի 650 տեղերից ստանալ 431-ը, գրում է DW-ն։ Որոշ վերլուծաբաններ կանխատեսում են, որ լեյբորիստները կարող են նույնիսկ ստանալ 484 մանդատ: Մայիսի վերջին խորհրդարանը ցրելու պահին նրանք ունեին 202 մանդատ։ Միևնույն ժամանակ, պահպանողականների ներկայությունը ստորին պալատում կկրճատվի մինչև 102 մանդատ։