News - Թուրքիան և ԱՄՆ-ն նոր F-16-ների մատակարարման պայմանագիր են կնքել

Թուրքիան և ԱՄՆ-ը պայմանագիր են ստորագրել ամերիկյան F-16 նոր կործանիչների մատակարարման մասին, որի շուրջ բանակցությունները բարդ են եղել, հայտնել են Թուրքիայի ազգային պաշտպանության նախարարությունից։ «Մատակարարման պայմանագիրը ստորագրված է: Պատվիրակությունները կշարունակեն քննարկել մանրամասները բանակցությունների ընթացքում»,- ասել է նախարարության աղբյուրը, հաղորդում է TRT Haber հեռուստաալիքը: Այս կործանիչների ստույգ թիվը դեռ չի նշվում։ Թուրքական ԶԼՄ-ներն ավելի վաղ հայտնել էին, որ Թուրքիան ԱՄՆ-ից խնդրել է 40 նոր F-16 Block 70 կործանիչ և արդիականացման կոմպլեկտներ իր առկա 79 ինքնաթիռների համար։ Սակայն նոր F-16 կործանիչների մատակարարումը կարող է հետաձգվել մինչև 2028 թվականը պատվերների մեծ քանակի պատճառով, հայտնում է Hurriyet պարբերականը։