News - Ադրբեջանը և Թուրքիան քննարկում են ռազմական համագործակցության զարգացումը

Ադրբեջանի պաշտպանության նախարար Զաքիր Հասանովը հանդիպել է պաշտոնական այցով Ադրբեջանում գտնվող Թուրքիայի զինված ուժերի հետախուզության գլխավոր վարչության պետ Իսմայիլ Գյունայդինի գլխավորած պատվիրակությանը։ Պաշտպանության նախարարն ընդգծել է, որ «պետությունների ղեկավարների միջև անկեղծ հարաբերությունները դրական են ազդում ռազմական համագործակցության, ինչպես մյուս ոլորտների վրա», - APA-ին հայտնել են Ադրբեջանի պաշտպանության նախարարությունից։ Հանդիպմանը քննարկվել են ռազմական և ռազմակրթական ոլորտներում համագործակցության ներկա վիճակը և զարգացման հեռանկարները, ինչպես նաև ընդգծվել է ադրբեջանա-թուրքական բարձր մակարդակի ռազմական երկխոսության հանդիպման շրջանակներում անցկացվող միջոցառումների կարևորությունը։