News - Հայաստանի արտգործնախարարը Ստրասբուրգում ստորագրեց Օվյեդոյի կոնվենցիան (ՖՈՏՈ)

ԱԳՆ մամուլի ծառայությունից NEWS.am -ին հայտնում են, որ մեկնարկել է Հայաստանի արտաքին գործերի նախարար Արարատ Միրզոյանի աշխատանքային այցը Ֆրանսիայի Ստրասբուրգ քաղաք։ Եվրոպայի խորհրդի (ԵԽ) գլխավոր քարտուղար Մարիյա Պեյչինովիչ Բուրիչի ներկայությամբ Միրզոյանը ստորագրել է Կենսաբանության և բժշկության կիրառման առնչությամբ մարդու իրավունքների և մարդու արժանապատվության պաշտպանության մասին կոնվենցիան (Օվիեդոյի կոնվենցիա)։ ԵԽ-ին միանալուց ի վեր Հայաստանը ստորագրել և վավերացրել է ԵԽ 70 կոնվենցիան և միացել ԵԽ 12 մասնակի համաձայնագրերին։ Մարդու իրավունքների և կենսաբժշկության մասին Օվյեդոյի կոնվենցիան միակ միջազգային իրավական փաստաթուղթն է, որը սահմանում է բժշկության և կենսաբանական բժշկության ոլորտում մարդու իրավունքների պաշտպանության սկզբունքները։ Հայաստանը Կոնվենցիային միացած 37-րդ երկիրն է։