Խորենացի փողոց-Զաքյան փողոց խաչմերուկը և Երևանի կենտրոնում՝ ՆԳՆ դիմացի Չարենցի փողոցը, այս պահին արգելափակված են մարդկանց կողմից։ Ժողովրդի կողմից այսօր փակվել են նաև Երևան-Մեղրի միջպետական ճանապարհի Տիգրանաշեն գյուղի, Երևան-Գյումրի ավտոճանապարհի Ալագյազ գյուղի և Երևան-Վարդենիս ավտոճանապարհի Մարտունի քաղաքի հատվածները։ Իսկ Հայաստան-Վրաստան միջպետական ճանապարհի Կիրանց գյուղի հատվածն արդեն մի քանի օր է՝ արգելափակված է ժողովրդի կողմից։ Այս կերպ տեղի բնակիչներն իրենց աջակցությունն են հայտնում Հայաստանի Տավուշի մարզում Ադրբեջանին Հայաստանի միակողմանի զիջումների դեմ բողոքող հայրենակիցներին։