Քիչ առաջ ՀՀ վարչապետ Նիկոլ Փաշինյանն այս ողբերգական իրադարձության 109-րդ տարելիցի կապակցությամբ այցելել է Երևանում գտնվող Հայոց ցեղասպանության հուշահամալիր (լուսանկարներ)։ Փաշինյանին ուղեկցում էին ՀՀ նախագահ Վահագն Խաչատուրյանը, Ազգային ժողովի նախագահ Ալեն Սիմոնյանը, փոխվարչապետ Մհեր Գրիգորյանը, պաշտպանության նախարար Սուրեն Պապիկյանը, ԱԳ նախարար Արարատ Միրզոյանը, Անվտանգության խորհրդի քարտուղար Արմեն Գրիգորյանը, մի շարք այլ նախարարներ, պատգամավորներ և մի շարք այլ պաշտոնյաներ։ Կառավարությունը երեքշաբթի հայտարարություն էր տարածել՝ տեղեկացնելով, որ Հայոց ցեղասպանության 109-րդ տարելիցի կապակցությամբ Հայաստանի բարձրագույն ղեկավարության կողմից հարգանքի տուրք մատուցելու արարողությունը լինելու է հանդիսավոր, ուստի վերոնշյալ հուշահամալիրի մուտքը փակ է լինելու չորեքշաբթի մինչև առավոտյան ժամը 9:30-ը։