News - Էլինա Վալտոնենը՝ Արմեն Գրիգորյանին. Ֆինլանդիան կշարունակի աջակցել Հայաստանի տարածքային ամբողջականությանը

Հայաստանի Անվտանգության խորհրդի քարտուղար Արմեն Գրիգորյանը Ֆինլանդիա կատարած աշխատանքային այցի ընթացքում հանդիպել է Ֆինլանդիայի արտաքին գործերի նախարար Էլինա Վալտոնենի հետ։ Հայաստանի Անվտանգության խորհրդի գրասենյակից NEWS.am -ին հայտնում են, որ կողմերը քննարկել են Հայաստան-Եվրամիություն հարաբերությունները և մասնավորապես անդրադարձել Հայաստան-Ֆինլանդիա երկկողմ օրակարգին։ Ֆինլանդիայի արտգործնախարարն ընդգծել է, որ իր երկիրը շարունակելու է աջակցել Հայաստանում ժողովրդավարական բարեփոխումների գործընթացին, ինչպես նաև երկրի տարածքային ամբողջականությանը։ Անդրադարձ է եղել նաև Հայաստանի տարածաշրջանում տեղի ունեցող զարգացումներին, կայուն խաղաղության հաստատմանն ուղղված երկրի ջանքերին։