News - ԱՐՄՍՎԻՍԲԱՆԿԸ Սկոպյեում մասնակցում է gcf տարածաշրջանային երկխոսությանը

Մարտի 18-22-ը Սկոպյեում (Հյուսիսային Մակեդոնիա) տեղի է ունենում Կանաչ կլիմայի հիմնադրամի (GCF) տարածաշրջանային երկխոսությունը Արևելյան Եվրոպայի և Կենտրոնական Ասիայի երկրների ներկայացուցիչների հետ։ ՀՀ պատվիրակության խմբում այս միջոցառմանը մասնակցում է նաև «ԱՐՄՍՎԻՍԲԱՆԿ» ՓԲԸ գործադիր տնօրենի տեղակալ, բիզնեսի զարգացման բաժնի տնօրեն Արա Մակարյանը։ Պանելային քննարկման ժամանակ նա ներկայացրեց ԱՐՄՍՎԻՍԲԱՆԿ-ի փորձը կայուն ֆինանսավորման ոլորտում, ինչպես նաև Ազգային ծրագրի շրջանակներում ընդգրկվելու համար առաջարկվող ֆինանսավորման նախագծերը։ ԱՐՄՍՎԻՍԲԱՆԿ-ի հիմնական նպատակներից է Հայաստանում «կանաչ» ֆինանսավորման ոլորտում փորձի և կարողությունների ավելացումը։ Ներկայումս Բանկը գտնվում է GCF-ի կողմից հավատարմագրման գործընթացում, որից հետո հնարավոր կլինի ներգրավել նոր գործիքներ և մատչելի ֆինանսական ռեսուրսներ կանաչ և կայուն ֆինանսավորման խթանման համար: