News - Հայաստանը նախատեսում է վավերացնել Գերմանիայի հետ համաձայնագիրը՝ 12 մլն եվրո ստանալու համար

Հայաստանը նախատեսում է վավերացնել Գերմանիայի հետ ֆինանսական համագործակցության համաձայնագիրը՝ 12 մլն եվրո ստանալու համար։ Այս մասին երեքշաբթի Ազգային ժողովում Հայաստանի և Գերմանիայի կառավարությունների միջև ֆինանսական համագործակցության մասին 2022 թվականի համաձայնագրի վավերացման հաստատման հարցի քննարկման ժամանակ ասաց էկոնոմիկայի փոխնախարար Ռաֆայել Գևորգյանը։ Փոխնախարարի խոսքով՝ այս համաձայնագրի շրջանակներում Գերմանիան Հայաստանին կտրամադրի 12 մլն եվրո արտոնյալ վարկ՝ Հայաստանի վերականգնվող էներգետիկայի ոլորտի զարգացման համար։ Այս վարկը կտրամադրվի ոչ թե ՀՀ կառավարությանը, այլ մասնավոր հատվածին Կենտրոնական բանկում գործող Գերմանա-հայկական հիմնադրամի միջոցով։ Այս ծրագրի շրջանակներում կկառուցվեն 500 կՎտ հզորությամբ արևային կայաններ իրավաբանական անձանց օգտագործման համար, 1 ՄՎտ՝ ինքնավար խմբերի և 150 ՄՎտ՝ ֆիզիկական անձանց համար։