News - Հայաստանի վարչապետը հեռախոսազրույց է ունեցել Գերմանիայի կանցլերի հետ

Վարչապետ Նիկոլ Փաշինյանը հեռախոսազրույց է ունեցել Գերմանիայի Դաշնային Հանրապետության կանցլեր Օլաֆ Շոլցի հետ, հայտնում է ՀՀ կառավարության մամուլի ծառայությունը։ Զրուցակիցները քննարկել են Լաչինի միջանցքի անօրինական արգելափակման հետևանքով Լեռնային Ղարաբաղում հումանիտար ճգնաժամի խորացմանը, Լեռնային Ղարաբաղի շուրջ ադրբեջանական զորքերի կուտակմանը, հայ-ադրբեջանական պետական ​​սահմանին լարվածության աճին վերաբերող հարցեր։ Վարչապետ Փաշինյանը վերահաստատել է իր հավատարմությունը բոլոր խնդիրները բացառապես դիվանագիտական ​​միջոցներով և կառուցողական մթնոլորտում կարգավորելու մոտեցումներին՝ հիմնված 2022 թվականի հոկտեմբերի 6-ին Պրահայում և 2023 թվականի մայիսի 14-ին Բրյուսելում ձեռք բերված պայմանավորվածությունների վրա։ Կանցլեր Շոլցը նշել է, որ պատրաստ է աջակցել տարածաշրջանում խաղաղության և կայունության հաստատմանն ուղղված ջանքերին։ Վարչապետ Փաշինյանն ընդգծել է, որ պատրաստ է հրատապ քննարկումներ անցկացնել Ադրբեջանի նախագահի հետ՝ ուղղված լարվածության թուլացմանը։